«Ռոստելեկոմ»-ը հայտարարել է GNC-alfa ընկերության բաժնետոմսերի 75%-ը 22,5 մլն դոլարով գնելու մասին: Ինտերնետ պրովայդերը ամենամեծ ցանցն ունի Հայաստանում. ընկերության օպտիկամանրաթելային ցանցն ունի 1500 կմ երկարություն: 2011-ին GNC-alfa-ի եկամուտը կազմել է մոտ $12 մլն: Հաղորդում է RBC Daily-ն:
Նշենք, որ GNC-alfa-ն ձեռք բերելու ցանկություն էր հայտնել նաև France Telecom ընկերությունը:
GNC-Alfa-ն հիմնվել է 2007 թվականին, 2008թ-ին ստացել Հայաստանի ամբողջ տարածքում ֆիքսված հեռահաղորդակցման ցանցի կառուցման և շահագործման լիցենզիա: 2010թ. փետրվար ամսից ընկերությունը սկսել է աշխատել կորպորատիվ կազմակերպությունների հետ: GNC-Alfa-ի ծառայություններից օգտվում են «Օրանժ Արմենիա», «Վիվասել-ՄՏՍ», «Արմինկո», «Վեբ», «Յուքոմ», «Այքոն Քոմյունիքեյշնզ», «Նետսիս», «Այ-Մաքս», «ADC» և մարզային մի շարք օպերատորներ:
